Doqquz İklim
37 dəfə oxunub
14Tem/102

Hikmət Carçılı

Dar Ağacı

meydanlar dolduran vaxtın vardı sənin,
hamı tamaşana durardı sənin,
kiminin ürəyi gedərdi
bu saat əzizinin boynu həlqənin arasına keçib
sınacaq deyə,
kimi vicdanlı olmağa çalışardı
sənin qorxundan...
meydanlar dolduran vaxtın vardı,
hamı lərzəyə gələrdi adını eşidəndə,
hamı ləzzətə gedərdi meydana gedəndə
kiminsə həyatı bu gün dayanacaq deyə...
hamının ölümdən zəhləsi gedirdi...
hamının qan görmək üçün ürəyi gedirdi,
toy gecəsi gənc oğlanın keçirdiyi hisləri keçirirdi hamı...
hamı olurdu saf,
hamı olurdu allah adamı
zəhmin çox ağırdı,
adındakı hər hərfdən zəhirmar yağırdı
DAR AĞACI...
ancaq...
ancaq bu gün hamı dar ağacına şeir yazır;
anasının əmcəyini kəsən də,
haqsızlıq edən də,
bacısına tamah salan da,
ömründə bir dəfə düz söz danışmayan da...
hamı dar ağacından danışır bu gün
heç nədən danışmayanda...
yaman uzuclaşmısan dar ağacı,
yaman qiymətdən düşmüsən dar ağacı,
bu gün səndən daha urvatlı tutulur
tar ağacı,
heç olmasa
toyuq üstünə çıxıb yuxu bişirir axşam olanda,
heç olmasa yatmağa yarayır tar ağacı
sənsə heç ölməyə belə yaramırsan
min ildir pas atıb kəndirin,
andırın
çürüyüb bütün sapları,
havanı assalar onu da saxlamağa heyin yox,
yaman qiymətdən düşmüsən,
boş dura – dura,
hər şeyə göz yuma-yuma
(bəlkə səni də rüşvətə öyrətdilər nə bilim...)
özünü yaman qiymətdən salmısan dar ağacı
bir quru odun olub
kasıb bir komanı qızdırmağa belə yaramırsan,
zamanında çox qanlar tökmüsən deyə
indi insanlar səni söküb ocağa atmağa
ürək eləmir,
ocaqda çathaçat yandığın yerdə
insan ahlarının eşidilməsindən qorxurlar...
baxtın gətirməyib dar ağacı
heç kimə lazım deyilsən dar ağacı...
əsrlərlə boş dura-dura,
alçaqlara,
satqınlara,
şərəfini kağız parçasına qurban verənlərə
göz yuma-yuma
(bəlkə bir zaman sən özün də satmısan şərəfini...
nə bilim...)
özünü yaman qiymətdən salmısan dar ağacı...
yaman ucuzlaşmısan dar ağacı...
25 may 2010

Bu yazını beyəndiniz?

RSS bəsləmələrə abunə olun!

Kateqoriya: Poeziya Şərh göndər.
Şərhlər (2) Geri izləmələr (0)
  1. Saşa
    19 Temmuz 2010, 11:39

    Normal…ama ideya qarışıqdır…


Şərh göndər.


Geri izləmə yoxdur.

« Zahid Sarıtorpaq Vaqif Bayatlı Odər: Susub durmaq ancaq böyük həqiqətləri kəşf edərkən mümkündür »

Təqvim

Eylül 2010
Pts Sal Çar Per Cum Cts Paz
« Ağu    
 12345
6789101112
13141516171819
20212223242526
27282930  

Mövzular

Səhifələr

Son Yazılar

Son şərhlər

Sıralama

  • 457 dəfə oxunub - Cəlil Cavanşir Adrenalin (Günel Mövuludun şeirləri haqqında) (I hissə) “Bu dünyada bir qramlıq adrenalin-zad qalmayıb. Heç nəyə təəccüblənmək, heç nədən sarsılmaq, şoka düşmək mümkün deyil. Yaşımızın belə gənc, ş...
  • 448 dəfə oxunub - Əsəd Qaraqaplan-25 Orhan Pamuk Əsəd Qaraqaplanı təbrik etdi! Bu gün gənc şair Əsəd Qaraqaplanın doğum günüdür. Bu münasibətlə bütün doqquziklimçilər Əsəd Qaraqaplanı təbrik edir. Bu gün müxtəlif şəxslərdən dəvətlər qəb...
  • 374 dəfə oxunub - Albay Əfəndi Əsa “Əl tutduğum budaq, artıq çoxdan qırılıbdır...” Bağrım yanır artıq inan, bitsin bu rəzalət Tapdaqlara düşdü əzilib ən qoca məbəd Tərpət zəlalət tozu getsin üzərindən Sərsəm oyanır, əndişədə,...
  • 314 dəfə oxunub - Raqif Raufoğlu GİRİŞ- ÇIXIŞ Bu aləm başlayır giriş- çıxışdan, Kim hardan girirsə, giriş sayılır. Kim vaxtı nə cürə edirsə başdan, Bu onun vaxtında bir iş sayılır. Hərə bir hoqqadan, bir işdən çıxır, ...
  • 289 dəfə oxunub - Zahid Sarıtorpaq Bir anın payız silueti yarpaqlar qar düşənə qalmadı yenə «sən nə düşünürsən?..» deyə qosqoca dünyaya toxunur payız bilgimiz nə qədərsə bir o qədər çaşqınıq olümün şəcərəsini budaq-budaq oxumağa...
  • 262 dəfə oxunub - Cəlil Cavanşirin “Alma” qəzetinə müsahibəsi Yaltaqlıq, yarınmaq hesbına prezident təqaüdü alıb, müstəqillikdən, əqidədən danışmaq olmaz.  Cəlil Cavanşir- Oğuz rayonunda anadan olub. İxtisasca tərcüməçidir. 2003-cü ildən Azərbaycan mətbuatında ...
  • 259 dəfə oxunub - Raqif Raufoğlu İMPROVİZASİYA Bu hadisə hər gecə Bakının Şəhidlər Xiyabanında təkrarlanır. Hər gecə bir şəhid oyanır. Gedib əbədi məşəl kompleksinin yanında dayanır. Şübhəli-şübhəli ora-bura boylanır. Milli Məclisə ...
  • 247 dəfə oxunub - Günel Xəzəl Darıxacaqsan Hər ağaclar yarpaqların tökəndə, Axşamlar al günəş qürub edəndə, "Ayrılıq"sözünü eşidən dəmdə, Məni xatırlayıb,darıxacaqsan! Umub açılacaq səhər çağından, Ağrı sacılacaq hər an b...
  • 246 dəfə oxunub - Bahadur Qobustan Türk dünyasının paytaxtı-Azərbaycan (ixtisarla) Görəsən bu dünyada dilindən, mədəniyyətindən, soy kökündən aralanmış başqa dillərə başqa mədəniyyətlərə, başqa “soy kökə” inteqrasiya olunan nə qədər ...
  • 238 dəfə oxunub - ZAHİD SARITORPAQ O, HƏM DƏ DƏRDLƏ BARIŞDIRIR... Vaqif Bayatlı Odərin “YUPYUMRU BİR EŞQ İLƏ” şeirlər  kitabını oxurkən yaşananlar Sevdiyim nəsnələrin rəsmini cızmaq əlimdən yetərincə gəlmir. Sevdiyim insanların haqqı...

Kitab Köşkü


"A mədəniyyətinin A lüğəti" (Xanəmir Telmanoğlu)


"Göyə Qayıdan Mətnlər" (Xanəmir Telmanoğlu)



Artıq satışda ! ! !
Kitabları əldə
etmək üçün
Tel: (+99455) 662-44-88

Arxiv

Keçidlər

Sayt reytinqi